閒逛巿集，不嬲都係市民喜愛嘅消閒活動。若果巿集有得買有得食，又有特色，就更加正啦！
民政總署會聯同同鄉社團10月25日至29日喺沙田公園合辦「慶祝中華人民共和國成立75周年市集」（國慶市集），入場費用全免。國慶市集將有75個攤檔，由不同省份嘅同鄉社團提供平、靚、正嘅家鄉特產、美食及傳統工藝品，種類繁多、目不暇給！與此同時，國慶市集亦有特色文藝表演，例如傳統民族舞蹈、雜技和民歌表演等，畀大家體驗國家大江南北嘅風土人情同特色文化，並通過政商民合作，喺社區增添國慶歡樂氣氛。又有嘢食，又有嘢玩，約定你嚟國慶市集！詳情請看附圖啦！
返回上一级
